دوارن: د افغانستان پخواني ولسمشر حامد کرزي د اشرف غني څخه د خپل ملاتړ په هکله پخپله خطا اعتراف کړی دی. ده په یوه مرکه کې ویلي دي چې د اشرف غني څخه یې ځکه ملاتړ وکړ چې فکر یې کاوه هغه به د فساد په ضد ښه مبارزه وکړي، مسلکي او تحصيل کرده سړی دی خدمت به وکړي.
کرزی وړاندې پخپله مرکه کې وايي چې نه غواړي د اشرف غني په هکله قضاوت وکړي خو وايي چې که پاتې شوی وی ښايي نن د افغانستان شتمنۍ نه وې قيد شوې او افغانستان په نړۍ کې د یوه رسمي هېواد په توګه پاتې وی.
په ټاکنو کې حامد کرزي د اشرف غني ملاتړ کړی و، په دې وروستيو کې د سولې په هکله ددوی دواړو دريځونه بدل شوي و اشرف غني د سولې د خبرو مسلې ته ډېره عجله نه درلوده خو حامد کرزی بيا ددې پروسې د سرعت پلوی و.
