د فوکس نيوز په نامه يوې معتبرې رسنۍ خبر ورکړی دی چې د افغانستان نوموتی تيز توپ اچونکي فضل الحق فاروقي په دې هېواد کې یوه نجلۍ ځورولې ده چې د هغه له شکايت وروسته د استراليا بيګ باش ليګ کې د فضل الحق لوبډلې سیډني تندر د نوموړي سره خپل قرارداد لغوه کړی دی.
د يادې رسنۍ د خبر په حواله دغه انجلۍ يوازې د خپل د لوبډلې منجمنټ ټيم مسولینو سره دا خبره شريکه کړي ده او د پوليسو سره د شکایت ثبت کولو څخه يې ډډه کړي ده٬ د استراليا بيګ باش ليګ کې د فضل الحق فاروقي لوبډلې سیډني تندر د خپل لوبغاړي فضل الحق قضيې باندي چوپتيا اچولي د ځينو نورو معتبرو اسټراليايې رسنيو په حواله بيک باش ليګ کې د فضل الحق فاروقي سیډني ټنډر لوبډله نه غواړي چې د فضل الحق فاروقي قضيه نوره وغځوي ددوي په امر د فاروقي قضيه نوره بنده شوي په پايله کې يوازی د سیډني ټنډر لوبډلې سره د فاروقي قرارداد فسخ شو.
فضل الحق فاروقي چې په ډيره کمه موده کې يې زيات پرمختګ وکړو د افغانستان يو ترټولو مخکښو تېز توپ اچوونکو څخه دی د يادونې وړ ده چې فاروقي واده هم کړی دی، نوموړي په یوه مرکه کې ويلي و چې واده یې هم په مینه کړی دی.
