د جنسي اړيکې وروسته د ملا درد يو له عامو مشکلاتو څخه دی او زیات خلک ورسره مخ کېږي، ډېری کسان چې د ملا په تير کې ستونزه لري هغوی چندان کوروالي ته زړه نه ښه کوي.
ځينې کسان چې د ملا د تیر عضلاتو یې ډېره ښه وده نه وي کړي که چېرې په جنسي اړيکه کې د زيات چټک والي او فشار څخه کار واخلي نو د کوروالي وروسته ددوی په درد مبتلا کېدل زیات شوني دي.
د کوروالي وروسته د ملا د درد يو عامل هم د متيازو د لارو د مثانې او پښتورګو ميکروبي کېدل او يا ددوی نورې ناروغۍ کېدی شي. په ځانګړي ډول د مثانې او پښتورګو التهاب په لويه کچه د کوروالي وروسته د ملا د درد سبب کېږي.
ددې ترڅنګ د ملا د تیر ناروغۍ په کوروالي کې د زيات وزن سره مخ کېدل، زيات وزن پورته کول هم ددې سبب کېږي چې يو کس دې د جنسي اړيکې وروسته د ملا د شديدو دردونو سره مخ شي.
